間中聽到新手甚至師傅在鑽瓷磚時，都會出現瓷磚破裂的情況。其實一切源於鑽孔操作不當造成的，只要跟足正確方法鑽孔，保證100%不會裂磚。
⚠ 請先確保所選瓷磚是否有空鼓，記得避開空心磚 ⚠
⚠ 因為邊緣位置的結構比較脆弱，切勿在瓷磚之間的交接處鑽孔 ⚠
首先，瓷磚鑽孔涉及鑽開瓷磚及瓷磚後面的石屎牆，所以需要分開兩部份處理～
以下有三種主流方法，可按難度及手邊工具選擇其中一種。
1. 玻璃鑽咀 + 石屎鑽咀
先用玻璃鑽咀鑽開瓷磚，再用石屎鑽咀鑽開石屎。
2. 雲石令梳 + 石屎鑽咀
先用雲石令梳鑽開瓷磚，注意要斜斜的鑽下去，再用石屎鑽咀鑽開石屎。
3. 一粗一幼的石屎鑽咀
用4mm石屎鑽咀鑽開瓷磚，再用6.5mm石屎鑽咀鑽開石屎。
想解決家居常見家居問題？居家DIY實戰班幫到你！
『屋企潮濕牆身發霉』、『搵師傅維修好貴』、『睇完YouTube教學都唔識』…你有無試過面對呢啲常見居家維修疑難而又徬徨無助？一日時間，你可以學到「五大」居家維修必備範疇，以後唔洗再怕遇到問題唔識處理！
